ശങ്കരന്കുട്ടി കുഞ്ഞിരാമന് പൊറ്റെക്കാട്ട് എന്ന എസ്.കെ.പൊറ്റെക്കാട്ട് 1913 മാര്ച്ച് 14-ന് കോഴിക്കോടു ജനിച്ചു. പിതാവ് കുഞ്ഞിരാമന്, മാതാവ് കിട്ടൂലി. യൂറോപ്പ്, ആഫ്രിക്ക, അമേരിക്ക, ദക്ഷിണേഷ്യ, പൂര്വ്വേഷ്യ എന്നിവിടങ്ങളിലെ മിക്ക രാജ്യങ്ങളിലും പലതവണ സഞ്ചരിക്കുകയും അവിടത്തെ സാമാന്യ ജനങ്ങളുമായി ഇടപെടുകയും ചെയ്തു. നേപ്പാള് യാത്ര, കാപ്പിരികളുടെ നാട്ടില്, സിംഹഭൂമി, നൈല്ഡയറി, ലണ്ടന് നോട്ട്ബുക്ക്, ഇന്തോനേഷ്യന് ഡയറി, പാതിരാസൂര്യന്റെ നാട്ടില്, ബൊഹീമിയന് ചിത്രങ്ങള്, ബാലിദ്വീപ് എന്നിവ ഈ യാത്രകളുടെ ഫലമായി മലയാള ഭാഷയ്ക്ക് എസ്.കെ.പൊറ്റെക്കാട്ടില് നിന്നു ലഭിച്ച ഈടുറ്റ സഞ്ചാരകൃതികളാണ്.